કોમર્શીયલ પાયલોટ તાલીમ લાઇસન્સ માટે લોન

કોમર્શીયલ પાયલોટ તાલીમ લાઇસન્સ માટે લોન | Pilot Course Loan | Pilot Loan India | Pilot Training Loan India | Pilot Study Loan in India

✤ કોમર્શીયલ પાયલોટ તાલીમ લાઇસન્સ માટે લોન યોજનાનો હેતુ (Pilot Training Loan India)

અનુસૂચિત જાતીના તેજસ્વી કારકીર્દી ધરાવતા વિદ્યાર્થીઓની નબળી આથિક અને સામાજિક પરિસ્થિતિના કારણે કોમર્શીયલ પાયલોટ તાલીમ લાઇસન્સ માટે રૂપિયા ૨૫.૦૦ લાખ સુધીની લોન ૪%ના વ્યાજના દરે સરકાર તરફથી તાલીમ મેળવવા ઇચ્છતા વિદ્યાર્થીઓને આર્થિક મદદરૂપ થવા આપવામાં આવે છે.

સ્ત્રોત : સામાજિક ન્યાય અને અધિકારીતા વિભાગ (ગુજરાત સરકાર)

website : SJED (gujarat.gov.in)

✦ પાયલોટ તાલીમ લાઇસન્સ લોન માટે નિયમો અને શરતો

➤ કોમર્શિયલ પાયલોટ લાઇસન્સ તાલીમ મેળવવા ઈચ્છતા ઉમેદવારોએ મેટ્રિક અથવા ઉચ્ચ માધ્યમિક શાળા પ્રમાણપત્ર અથવા તેની સમકક્ષ પરીક્ષા પાસ કરેલ હોવી જોઈએ. ઉપરાંત ઉમેદવાર જ્યાં તાલીમ લેવા ઇચ્છે છે તે સંસ્થામાં કોમર્શિયલ પાયલોટ લાયસન્સ તાલીમ વર્ગમાં પ્રવેશ માટે નિર્ધારિત તમામ શૈક્ષણિક ટેકનિકલ તેમજ જરૂરી લાયકાત હોવી જોઈએ.

➤ આવી તાલીમ આપતી દેશ/વિદેશી સંસ્થાએ તાલીમાર્થીના પ્રવેશ માટે નિર્ધારિત શરતો અને આવી તાલીમ માટે જરૂરી તમામ પ્રમાણપત્રો જેમ કે તબીબી પ્રમાણપત્ર, ફિટનેસ પ્રમાણપત્ર વગેરે મેળવ્યા હોવા જોઈએ.

➤ તાલીમાર્થી વિદેશની જે સંસ્થામાં તાલીમ મેળવે છે તે સંસ્થાને તેના દેશની સરકાર દ્વારા આવી તાલીમ આ૫વા માટે મંજુરી થયેલી હોવી જોઇએ અને આવી તાલીમ પછી મેળવેલ કોમર્શિયલ પાઈલટ લાઇસન્સ તે દેશમાં સ્વીકૃત થયેલા હોવા જોઇએ ત્યાર ૫છી ભારતમાં તે લાયસન્સ મંજૂર કરવા માટે, તાલીમાર્થીએ એક વર્ષની અંદર જરૂરી કાયદેશરની પ્રક્રિયા પૂર્ણ કરવી પડશે.

➤ તાલીમ આ૫નાર સંસ્થા તરફથી ઉમેદવારને પ્રવેશ આપ્યા અંગેનો સંમતી૫ત્ર મળ્યા બાદ જ સહાય મંજુર કરવામાં આવશે, તાલીમાર્થીએ તેમની તાલીમ માટે થનાર ખર્ચના અંદાજો જે તે સંસ્થા પાસેથી મેળવી રજુ કરવાના રહેશે

➤ લાભાર્થીઓએ તાલીમ પૂર્ણ કર્યા પછી તેમની સેવાઓ ઓછામાં ઓછા પાંચ વર્ષ માટે ભારતમાં આ૫વાની રહેશે. જો તેઓ પરદેશમાં સ્થાયી થાય તો આવી સહાયની રકમ ગુજરાત સરકારને સંપૂર્ણ વ્યાજ સાથે ચૂકવવાની રહેશે. આમાં કોઈ છૂટ આપવામાં આવશે નહીં.

➤ જો આવી તાલીમ મેળવનાર ઉમેદવારનો કોઈ સંબંધી વિદેશમાં રહેતા હોય તો તાલીમાર્થીઓએ નાણાકીય જવાબદારી માટે તેમના દ્વારા પૃરસ્કૃત (SPONSER) કરેલ હોવા જોઇએ નહી.

➤ આ યોજના હેઠળ આવતી રકમ તાલીમ માટે જરૂરી રકમ સુધી મર્યાદિત રહેશે. ભારતમાં તાલીમ માટેની રકમમાં ટ્યુશન ફી અને અન્ય પ્રાસંગિક ખર્ચનો સમાવેશ થશે.આ બાબતે નિયામક, અનુસૂચિત જાતિ કલ્યાણનો નિર્ણય આખરી રહેશે.

➤ વિદેશમાં તાલીમ લેવા ઈચ્છતા તાલીમાર્થીઓને આ યોજના હેઠળ રિઝર્વ બેંક ઓફ ઈન્ડિયા દ્વારા નિર્ધારિત વિનિમય દરે વળતર આપવામાં આવશે. અને તાલીમાર્થીઓના ભથ્થા માટે રિઝર્વ બેંકની મંજુરી મેળવવી પડશે. રિઝર્વ બેંક ટ્યુશન ફી, નિર્વાહ ભથ્થું (મહત્તમ છ મહિના માટે) અને સ્ટાર્ટ-અપ સાધનો માટેના ભથ્થાં મંજૂર કરશે તેટલી જ રકમમાં લોન મંજૂર થઇ શકશે.

➤ તાલીમાર્થીએ ખરેખર લોનની ચુકવણીની તારીખથી એક મહિનાની અંદર તાલીમ શરૂ કરવી આવશ્યક છે. વધુમાં, તાલીમાર્થી તેની તાલીમની પ્રગતિ અંગે ત્રિમાસિક અહેવાલ આપે છે; આ તાલીમ સંસ્થામાંથી મેળવીને નિયામક, અનુસૂચિત જાતિ કલ્યાણ, ગુજરાત રાજ્ય, ગાંધીનગરને સુપરત કરવાની રહેશે.

➤ જો અરજદાર મંજૂર કરેલ લોન નિયમિતપણે ચૂકવવામાં નિષ્ફળ જાય, તો ચડતર હપ્તાઓ સામે 2.5% લેખે દંડ વ્યાજ વસૂલવામાં આવશે. પેનલ્ટીના હપ્તાઓ ચૂકવવામાં નિષ્ફળતાના કિસ્સામાં, વસૂલાતના તમામ કમ અને અન્ય ખર્ચ તેમજ બાકીની રકમ તે જ સમયે મહેસુલી દ્વારા વસૂલવામાં આવશે.

➤ અરજદારને નિર્ધારિત સમય કરતાં વહેલા બાકીની રકમ ચૂકવવાની છૂટ આપવામાં આવશે.

➤ જો અરજદાર આ લોનનો ઉપયોગ અન્ય કોઈ હેતુ માટે કરે છે, તો લોનની રકમ ચુકવણીની તારીખથી પેનલ્ટી વ્યાજ સાથે (એકસાથે) વસૂલવામાં આવશે.

➤ લાભાર્થીએ બે યોગ્ય જામીન રજુ કરાવવાના રહેશે.

➤ લોનની વસૂલાત લાભાર્થીને લોનની ચુકવણીની તારીખના એક વર્ષ પછી શરૂ કરવામાં આવશે. લાભાર્થીએ 10 વર્ષમાં મુદ્દલ અને 2 વર્ષ માટે વ્યાજ સહિત લોન ચૂકવવાની રહેશે અને કુલ 12 વર્ષમાં વ્યાજ સહિત સંપૂર્ણ રકમ ચૂકવવાની રહેશે. તે મુજબ માસિક હપ્તાની રકમની ગણતરી કરીને વસૂલ કરવામાં આવશે.

✶ જરૂરી સહાય યોજના:

👉 અભ્યાસ માટે સહાય યોજના

👉 સ્પર્ધાત્મક પરીક્ષાના ક્લાસિસ માટે સહાય યોજના

👉 આવકનો દાખલો ઓનલાઇન

👉 પાનકાર્ડ ઓનલાઇન

👉 આધાર કાર્ડ ડાઉનલોડ કરવા

👉 મતદાર યાદીમાં નામ ઉમેરવા

✦ પાયલોટ તાલીમ લાઇસન્સ લોન માટે સબમિટ કરવાના દસ્તાવેજ (Pilot Study Loan)

અરજદારનું આધારકાર્ડ
અરજદાર ની જાતિ/પેટા જાતિ નો દાખલો
શાળા છોડયાનો દાખલો
કુટુંબની કુલ વાર્ષિક આવકનો દાખલો
રહેઠાણનો પુરાવો ( વીજળી બિલ / લાઇસન્સ / ભાડાકરાર / ચૂંટણી કાર્ડ / રેશનકાર્ડ પૈકી કોઈ પણ એક)
બેંક પાસબૂકની પ્રથમ પાનાની નકલ / રદ કરેલ ચેક (અરજદારના નામનું)
પાસપોર્ટ ( જો જિદેશમાં તાલીમ લેવાની હોય તો)
વિઝા (જો વિદેશમાં તાલીમ લેવાની હોય તો)
વિદેશમાં તાલીમ પૂર્ણ કર્યા બાદ ઓછામાં ઓછા પાંચ વર્ષ ભારતમાં સેવા આપશે. તે અંગેની લેખિત બાંહેધરી રજૂ કરવી.(₹. ૧૦૦ ના સ્ટેમ્પ પેપર ઉપર)
સ્વીકૃતિ પત્ર ( નિયત રૂ 50 ના સ્ટેમ પર)
એસ.એસ.સી. અથવા એથી આગળ કરેલ અભ્યાસની માર્કશીટ/પ્રમાણપત્રો
જામીનદાર-૧ ના મિલ્કતના આધાર ( ૭/૧૨ ના ઉતારા – ઇન્‍ડેક્ષ)
જામીનદાર-૧ ના મિલ્કતના વેલ્યુએશન સર્ટીફીકેટ
જામીનદાર-૨ ના મિલ્કતના આધાર ( ૭/૧૨ ના ઉતારા – ઇન્‍ડેક્ષ)
જામીનદાર-૨ ના મિલ્કતના વેલ્યુએશન સર્ટીફીકેટ
પરિશિષ્ટ - ખ વિદ્યાર્થીનુ જાત -જામીનખત
પરિશિષ્ટ - ડ વિદ્યાર્થીનું સોગંદનામુ
પરિશિષ્ટ - ઘ લોન ભરપાઇ કરવા માટે પાત્રતાનો દાખલો
પરિશિષ્ટ - ગ જામીનદારના જામીનખતનો નમુનો